Cortégen

Geschrieben am 03.05.2009 um 23:57
Kategorien: RS, Schweden | Kommentar schreiben

In Göteborg findet jedes Johr zur Waldpurigsnacht am letschte Apriltag sCortégen statt, en grosse Umzug dur di ganz Innestadt vo Chalmers (de technische Uni woni studier). Das Johr isch zudem 100-jöhrigs Jubiläum gsi! Agfange hemmer mit Grille im Slottskogen, eme grosse Park zmitzt in Göteborg.

dsc00307

Praktisch sind debi au di schwedische Fertig-Grill:

dsc00306

Weiterlesen

Last but not least - Wuche 13

Geschrieben am 06.10.2006 um 19:05
Kategorien: RS | 1 Kommentar

So das wird vorerscht mol de letschti RS-Blog vo mir si, de Chrigul und de Kenel werdet vilicht jo uf erer eigene Siite (http://chgrab.freaque.ch/blog/) wiiterbloge, mol luege :-D Für mi gohts denn - so stohts ufem Papier ;-) - nögscht Summer wider wiiter.

Die Wuche het mitere 60-Stunde-Üebig agfange und drum hend mir au scho am Sunntig am 12:00 und nöd erscht am 23:30 müese irucke. Denn simmer los und hend üsen Bereitschaftsruum bezoge, hend Biwak ufgstellt und Wachtpöschte gmacht. I ha miteme andere sWC baue und zmol luege so en komische Chopf ine - “Grüezi Oberscht Schuelkommandant” ;-) Das de nüt bessers ztue het als mir zeh Minute bim anehenke vo Blachene für es WC ztue het ;-) Abem Obig am achti hets denn gheisse: “Leben und überleben - si möstet do bis zu sechs Mönet lebe chöne.” Denn hets agfange mitem Wachtplan und i ha zerscht mol drü Stund schlof gha. I ha nöd in Schlofsack wölle, will alles recht nass gsi isch - also eifach so anelige. All 20-30 Minute wider verwachet, wills huere chalt gsi isch und immer Lüüt umeglofe sind. Also eigentli nöd gschlofe. Denn fangt dWach ah, i mues mit eim zwei Stund undere Brugg stoh. Mit Funk wo nöd tuet und emne Nachtsichtgrät. Nochher ei Stund “Reserve”. Also im Duro hocke und schlofe wär dIdee, aber i ha müese de Funker vom Wachtkommandant sii. Denn e Stund uf de Horchposchte und am Schluss no e Stund ad Barriere. Döte chunt zmol es Auto und haltet ah, stigt ein us… Und i so langsam ufgstande und seg so chli vor mi ane: “Zuetrittskontrolle Kp 2″ und denn de ander huere luut: “Schuelkommandant Stellvertreter!” ZONK. “Dörfi ine?” - “Moment, i frog rasch” und denn rasch funke und so, wie mers glernt het und non schöne Tag gwünscht ;-) Denn am halbi füfi Tagwacht, esse und Marschvorbereitige. Denn gohts los uf de lässig 25km-Marsch. Denn simmer am Mittag acho, alli voll kabutt, aber sind go sondiere. Will mir nöd so vill ztue gha hend, hemmer ab und zue chli chöne anelige, aber zum schlofe hets eifach nöd glanget. Denn am Obig zerscht wider drü stund gschlofe, dasmol richtig ;-) Und denn am halbi zwölfi wider ufgstande und Wacht gmacht bis am Morge früeh. Denn wiiter gange mit de Üebig, das heisst für üs sondiere. Und mir hend sonen dumme Standort gha, und drum sind di meischte Sondierige für nüt gsi. Di letscht und entscheidend het denn klappet *hechl* Am Nomi hend denn Kannonier serschte mol richtig gschosse und mir hend i dere Ziit chöne üsi Fahrzüg abgeh. Alles butze, kontrolliere, … Defür hemmer kein Harst gha, super Sach ;-) Denn no chlige PD am Gwehr und Materialkontrolle und am elfi dihei gsi am schlofe. Also i ha i dere 60h-Üebig guet 6 Stund chöne schlofe ;-)

Am Mittwoch isch denn WEMA gsi. WEMA stoht für irgendwas wie “Wiederinstandstellung der Einsatzbereitschaft von Material und Fahrzeugen im Ausbildungsdienst” und isch de Nochfolger vom WEMI (”Wiederinstandstellung der Einsatzbereitschaft von Material und Fahrzeugen im Instruktionsdienst”). Fortschritte in der Armee ;-) Mir hend müese dAggregat kontrolliere, butze und vorallem Pause mache. Will dChuchi au scho sache am abgeh gsi isch, hets nur es Sandwich geh. Aber üsen Chef het denn gmeint, das er Sandwich hasst. Und het üs drum au öpis vom McDonalds brocht ;-) Denn simmer nochher wider uf Stammheim brocht worde, sind chlige de Bimbo vo jedem Vorgsetzte gsi und hend no “After the Sunset” glueget. Denn isch Kompanieobig gsi - also wer sich drunder öpis tolls vorstellt, bi üs es isch das nöd gsi: Es isch zNacht gsi mitme Steak und Bier. Suscht nüt. ZONK. Denn go schlofe und am drü ufgstande, willi Wacht han. ZONK ;-)

Am Donschtig bim Morgeappel hani chlige schmunzle müese, will de Feldi so O-Ärm macht bim ACHTUNG ;-) Denn holt mi de Kadi use, seit am Zugfüehrer er söll Appell mache und nimmt mi hinders Huus und schiist mi voll zämä. Er het so luut gschraue, dass de Feldi mi nochher gfroget het wasi gmacht han das mer en bis uf Wil ghört schreie… ;-) Jo i ha mi denn halt entschuldiget und bi so - so heters uf all Fäll öpe 10 mol gseit - Disziplinarmassnahme entcho ;-) I ha nochher vom Zugfüehrer erfahre, dass er dihei chlige Ärger het mit de Frau het oder sowas und drum chlige greizt isch. Und do eignet sich doch de Rekrut Müggler doch guet zum chlige Dampf abloh ;-) De rescht vom Tag Material richte und abgeh, und vill umesitze.

Am Obig hani für all mini Wetterkollege no chline Gschenkli mitgno und verteilt.

DSC00008.jpg
(üsen Rekrut wod Nationalhymne vo Dütschland chan ;-))

DSC00007.jpg
(Zur Fortsetzig vo de Chläberli-Tradition…)

DSC000061.jpg
(Damit au mol de Berner chlige schneller sich ;-))

DSC000051.jpg
DSC00010.jpg
(üsi Fahrer: de links heisst Fuchs)

DSC00003.jpg
DSC00011.jpg
(üsen Herr wo wöt UT werde chunt en UT-Stempel über ;-))

DSC000041.jpg
(und für die wo gern Snus hend: In Schwede chunt mer das über ;-))

DSC000021.jpg
(und pimp my rätselbuch :-D)
Am Fritig morge hemmer dUnterkunft butzt und uf de Appell gwartet wos no Sold, EO, und vorallem: de Soldat und sFunktionsabzeiche geh het ;-) I bi jetzt Wettersoldat :-D Und uf mis Schneeflöckli als Funktionsabzeiche bini natürli bsunders stolz :-D

Demfall allne wo no wiiter im Militär sind alles guet und hebet eu Sorg!

Seines Zeichens, Sdt Müggler (Art Wet Sdt) ;-)

Wuche 12

Geschrieben am 30.09.2006 um 14:44
Kategorien: RS | 2 Kommentare

Ganz eifach ;-) I bi am Fritig Mittag cho, zMittag esse. Ganz Kompanie nüt ztue. E stund ufs Zimmer. Denn abe uf de Appellplatz, müese warte bis sKader chunt vom Rapport. Goht aber chlige lang, drum fanget Obergfreiti ah mit üs Charte spille ;-) Denn chömets und seget: In Esssaal, döte isch en Pool und si holet Lüüt. Denn mol en DVD ine tue. De fertig glueget, denn hends rasch alli gholt. E halbstund Sache träge. Und denn de nögscht Film. Znacht esse. Denn nochem Esse rasch es paar Sache grichtet, Schueh butze, dusche. Am virtel ab achti im Nescht gsi ;-) Und am Samschtig wider hei :-D

Wuche 11

Geschrieben am 30.09.2006 um 14:42
Kategorien: RS | Kommentar schreiben

Am Mentig hemmer AGA gha, das heisst: Sanität repetiere (Lüüt schleppe und so…) und Drillpischte dur de Schlamm, will de Waffeplatz isch meh oder weniger under Wasser gstande ;-) Aber i bi de hinderscht gsi, und: Wer nöd gseh wird, de roppt au nöd ;-) I bi zwor uffällig suuber gsi nochher, aber het scho passt… Am Mittag hemmer us de Gamelle esse müese - und wies halt so dezue ghört, hets en Gamellezonk geh: Vier Charte, uf de einte hets hine en Zonk druf. :-D Und i ha Glück gha und ha nix müese abwäsche ;-) Am Nomi ischs mit AGA wiitergange: ABC alege und chlige schüsse. Denn wider Znacht us de Gamelle, und wider Gamellezonk - und es het wider de glich verwütscht ;-) *haha* Denn hemmer chlige Nachtschüsse gmacht, aber am sibni isch es nonig dunkel. Egal, Üebigsbestimmig: Es isch jetzt eifach nacht und si schüsset. Aha ;-) Und denn hemmer no verschiebe bi Nacht güebt. Isch no geil, de Lütnant isch zwei Meter nebet üs gstande, mir sind anem verbi und hend ihn nöd gseh…Am Zischtig hemmer denn Üebig “Säntis” gha vom Wetterdienscht. Denn hemmer zerscht mol de ICS usegnoh: “De bruchet si als Wettersoldat jetzt mol nöd ;-)”. Denn en interessante Dialog zwüschet em Zugfüehrer und am Küsche: “Wie vill würscht hets pro Person?” - *stolz* “Zwei!” - “I wöt aber meh!” Und denn luegen so komisch ah und er seit zu mir: “Jo wüsset si, Bier macht hungrig.” *aha*. Und denn simmer richtig Säntis gfahre und hend mol chöne e Stündli im Duro schlofe ;-) Denn Simmer go sondiere und denn isch no de Einheits-BO cho und i hanem dörfe e Erklärig zum gsamte Wetterdienscht geh ;-) Am Obig hemmer no Zugsobig gmacht: Brötle, Plastikbsteck, Chips, Würscht, Bier, Musig - ebe geil ;-) Aber mir hend Material, also gits nochher doch no Wacht. Szweite im Puch sitze mit Standheizig ;-) Mir hend wacht gha vom vieri bis am sechsi und hend denn gad chöne Heisswasser mache für di andere womer denn gweckt hend ;-)

Do no es paar Bildli vom Zugsobig:

DSC00008.JPG

Weiterlesen

Wuche 10

Geschrieben am 15.09.2006 um 18:51
Kategorien: RS | 3 Kommentare

So die Wuche isch es voll wiitergange mit de Wetterusbildig. Am Mentig simmer drum wider chlige go sondiere und gad mit Unterbesetzig, 4 Rekrute (+1 Fahrer) anstatt 6 Rekrute (+2 Fahrer). Und jede het mol alles mache müese, ussert fahre halt. Das heisst, das mir de ganz Tag dure vier mol alles ufbaue und abgrumt hend. Aber will mer defür nöd so lang brucht und vorallem nochem Ufstelle mues warte bis dSondierig fertig isch, hani no ganz vill Föteli chöne mache. I hoff dasi do demit nöd allzu vill militärischi Gheiminformatione ad Russe und so bekannt gib ;-)

DSC00006.jpg

Weiterlesen

Das Wetter, der Korpskommandant und das Béret

Geschrieben am 09.09.2006 um 10:39
Kategorien: RS | 3 Kommentare

Die Wuche het wider mol schön mitme Morgelauf agfange, 3km ohni öpis gesse zha. Und denn simmer mitem Duro is Auefeld abe und hend döte de erschti halbi Tag Theorie gha wie mir üsen Wetter-PC müend bediene. Isch scho spannend, aber noch es paar Minute het mers dusse, und die hend en halbe Tag drus gmacht. Denn go esse und nochher Zugschuel, will am Fritig jo Bsuechstag isch und das mues denn guet usgseh. Denn sind dGruppe gwechslet worde und di andere hetet sölle Theorie mache und mir hetet sölle go en Ballon stiige loh. Denn seit de Zugfüehrer: “Fahrer: Lüüt ilade und id AMP-Halle fahre.” - Quiiiietsch und weg isch er. Und mir stönd no döte… Denn hets halt gheisse: Laufe. Und de Zwipf und de Rucksack vom andere chönd si gad au no träge. *zonk* Uf halbem Weg chunt er denn so zrugg und isch chlige verwirrt gsi ;-) Guet denn döte go Ballon stiige loh wider mole, aber macht doch immer wider Spass.

Weiterlesen

75-Stunden-Woche ;-)

Geschrieben am 01.09.2006 um 14:36
Kategorien: RS | 6 Kommentare

Das isch e Wuche gsi wo agfange het miteme Timer: 75:00:00. Am Mentig obig irucke und denn am Donschtig obig wieder hei, wege Urlaub am Fritig ;-) Aber sProgramm isch defür am afang au gad gnueg streng gsi: Kampf komplett alege und ab uf en 15km-Marsch. Het scho gregnet, drum no de Regeschutz agleit und druf ghofft, dass mir i zwei bis drü Stund de Marsch hend. Noch füf Kilometer hets denn mol en Zwipf-Poschte gha, und noch 10 nomel eine. Und denn wirds langsam richtig dunkel und de Rege wird schlimmer. Und üsi Gruppefüehrer - jo richtig - sie verlaufet sich… Anstatt abe zrugg uf Stammheim laufet mir ufe, aber die hend jo e Usbildig und sötets drum jo raffe, denkste! ;-) Guet denn isch dezue cho das üsi Rekrutin nüm het möge, das heisst nomel en Rucksack träge - i bi jo au für Fraue i de Armee. Und irgendwenn simmer usem Wald usecho und denn segets: No zwei Kilometer. Und mir gsehnd Tafle Nussbaume. Aha - also no guet 8 Kilometer. Mir sind denn noch 3:47h zruggcho, die wos grafft hend noch 2:30h. Und richtig grusig gregnet hets ab drü Stund. ZONK! ;-) Egal, zrugg id Unterkunft, alles butze und denn halbi eis go schlofe. Und natürli hani unterwegs vom Stöffel no es SMS übercho, was er gad für guets Zesse zu sich gno het und das er acht Stunde Schlof het. Danke!

Weiterlesen

Last week of AGA

Geschrieben am 26.08.2006 um 08:12
Kategorien: RS | 5 Kommentare

Wider mole e längeri Wuche gha wo wider Schogi agfange het: Zentralisierte Ausbildung. MG schüsse und funke. Alles Repetition und recht langwilig. Ussert natürli MG ballere und den hemmer neu das Ding no uf e Haubitze montiert und hend no chli chöne i so eini ine luege… Denn no Usgang wo en sotige Tag gad richtig abrunde tuet… ;-)

Weiterlesen

Woche 6: Wie gohts?

Geschrieben am 18.08.2006 um 08:41
Kategorien: RS | 7 Kommentare

Am Sunntig wider igruckt, halt so mit de übliche Motivation für das… ;-) Und siitem Samschtig morge het mir sChnü vom Patton weh tue - und das het sich so zimli di ganz Wuche ghalte. I bi gad am Sunntig no ufs KP, aber isch niemert ume gsi. Okey, nöd zum Arzt.

Weiterlesen

Schiisst Sie das au so a wie mich??

Geschrieben am 12.08.2006 um 10:36
Kategorien: RS | 6 Kommentare

Ferie sind fertig, will jetzt isch wider de Hauptmaa do und nüm sin Stellvertreter. Und plötzlich sind wider alli strenger ;-) DWuche het gedige agfange, hani zumindescht gmeint, will mir sind go 300m schüsse. Aber so komisch am Bode liege für 50 Schüss het echt weh tue mit de Ziit. Aber immerhin knapp erfüllt ;-) Nochher no Usbildig i Personekontrolle: “Halt! Sie befindet sich uf militärischem Gebiet. Ich mues eri Personalie überprüefe!” - und sicher nöd: “Halt bitte, i mues do leider e Personekontrolle durefüere, Sie Pflock!” - I ha jo nur wölle fründlich sii ;-)

Weiterlesen

weiter »

Aktuell


Kategorien


Archiv