RS-Woche drü
Geschrieben am 29.07.2006 um 10:08
Kategorien: RS | 4 Kommentare
Die Wuche isch wider mole voll gsi mit Usbildig… Zum einte isch es wider Sanität, Funke und ABC-Züügs gsi, anderersiits au wider Grünausbildung. Wa öppe sovill heisst wie schüsse oder robbe. Mehrheitlich simmer am Schusse gsi und sGwehr nochher butze…
De ABC-Schutz hemmer au widermole müese bi de gröschte Hitz alege, aber mir machet das jo alli gern. Und dasmol sogar möchte-gern-Ernschtfall - will heisse das mir das Entgiftigspulver no überall hend müese aneschmiere… Mit Schweiss zämä bsunders lecker 
Maturareis
Geschrieben am 22.07.2006 um 17:03
Kategorien: Me, Myself and I, Schule | 1 Kommentar
Han ersht jetzt Föteli vo Calpe, vo de Maturareis… Drum au erscht jetzt de Biitrag.
Das isch es Föteli vo üsem Huus, oder besser am Pool… Und will mir nüt ztue gha hend, hemmer sogar Ziit gha zum üs selber de Orangesaft zpresse
I Benidorm hets ganz vill Läde gha mit Chäpli-Stickerei, die Chance dörf mer sich nöd entgoh loh De Stöffel het jo scho ufem Flugticket “Christopf” gheisse und de Chrigul isch jo sowieso als “Torpedo Joe” bekannt.
2. Wuche ;-)
Geschrieben am 22.07.2006 um 09:53
Kategorien: RS | Kommentar schreiben
Natürlich voll motiviert am Sunntig obig wider igruckt… en ganze Zug voller Rekrute und wider uf das guete alte Stammheim…
Und die Wuche isch sProgramm wider voller lässige Programmpünkt gsi, als Highlights chönt mer sUsprobiere vo de Schutzmaske i de Gaschamere, sTräge vom ABC-Schutzazug bi 30 Grad und serschte Mol schüsse. Natürlich hets nebet bi no ganz vill anderi tolli Sache geh…
Oberleutnant, Rekrut Müggler!
Geschrieben am 15.07.2006 um 18:04
Kategorien: RS | 6 Kommentare
1. Woche RS vorbei… endlich!
De gröschti Teil hani Material gfasst, under anderem zwei Combis, TAZ, Gwehr, zweits Paar Kampfstifel, Tenü A (Usgänger), Regeschutz (aber für alles), Helm, GT (Grundtrageeinheit, aha), Rucksack, ABC-Schutzmaterial (Hose, Jacke, Schue, Zubehör), div. Häntschte, Rollkoffer, Reiserucksack, F-Sack, Kälteschutzjacke, und meh wöt gar niemert meh wüsse, aber es isch meh gsi… Suscht hemmer glernt grüesse, a- und abmelde, im daher (und au daher kniend ;-)) und sammle uf verschiedeni azahl glieder…
Aktuell
- Bachelorarbeit abgschlosse und Liiiiseberg
- Trams…
- Chuchi, Projekt, Preem und Robot-SM
- Cortégen
- Volvo, Hafe, Projekt und Fuessball
- Stockholm, Unihockey und Jungwachtleiter :D
- Flo uf Bsuech
- Elias testet für Sie (11): Tramsitze
- Familie uf Bsuech
- Elias testet für Sie (10): Ostkaka