Last week of AGA

Geschrieben am 26.08.2006 um 08:12
Kategorien: RS | 5 Kommentare

Wider mole e längeri Wuche gha wo wider Schogi agfange het: Zentralisierte Ausbildung. MG schüsse und funke. Alles Repetition und recht langwilig. Ussert natürli MG ballere und den hemmer neu das Ding no uf e Haubitze montiert und hend no chli chöne i so eini ine luege… Denn no Usgang wo en sotige Tag gad richtig abrunde tuet… ;-)

Weiterlesen

Woche 6: Wie gohts?

Geschrieben am 18.08.2006 um 08:41
Kategorien: RS | 7 Kommentare

Am Sunntig wider igruckt, halt so mit de übliche Motivation für das… ;-) Und siitem Samschtig morge het mir sChnü vom Patton weh tue - und das het sich so zimli di ganz Wuche ghalte. I bi gad am Sunntig no ufs KP, aber isch niemert ume gsi. Okey, nöd zum Arzt.

Weiterlesen

Schiisst Sie das au so a wie mich??

Geschrieben am 12.08.2006 um 10:36
Kategorien: RS | 6 Kommentare

Ferie sind fertig, will jetzt isch wider de Hauptmaa do und nüm sin Stellvertreter. Und plötzlich sind wider alli strenger ;-) DWuche het gedige agfange, hani zumindescht gmeint, will mir sind go 300m schüsse. Aber so komisch am Bode liege für 50 Schüss het echt weh tue mit de Ziit. Aber immerhin knapp erfüllt ;-) Nochher no Usbildig i Personekontrolle: “Halt! Sie befindet sich uf militärischem Gebiet. Ich mues eri Personalie überprüefe!” - und sicher nöd: “Halt bitte, i mues do leider e Personekontrolle durefüere, Sie Pflock!” - I ha jo nur wölle fründlich sii ;-)

Weiterlesen

Rölling Stönes!

Geschrieben am 06.08.2006 um 11:06
Kategorien: Me, Myself and I | Kommentar schreiben

Dübendorf, Zürich - 5. August 2006 - Militärflugplatz

Rolling Stones Konzert! Sooo geil gsi. Tickets zwor erscht zwei Stund vor de Türöffnig kauft, but who cares ;-)

Do no es paar Föteli, isch halt Handy-Qualität… :-D

Weiterlesen

Es Wücheli mitem Zügli

Geschrieben am 05.08.2006 um 07:56
Kategorien: N/A | 4 Kommentare

Phuu, Militär dörfti immer so sii ;-) Am Mittwoch obig fang irucke, und am Samschtig scho wider hei… Und zwüschet dure Schogi :-D Zwor het mer am Mittwoch chöne sGfühl ha, das es no streng chönt werde, will nochdem um 18:00 Irucke gsi isch, hemmer am 18:05 müese im “Kampf komplett” verusse bereit stoh… Denn 30 Minute de Hügel ufe marschiere und döte Theorie über Bewegig bi Nacht, also so das es nöd tönt und - was denn au würkli Spass gmacht het - dRLV-Brülle. Mit dem het mer zwor Tunnelblick und gseht nüm id Tüüfi, defür aber überhaupt öpis :-D Uuund wasi no vergesse han: Vorem Abmarsch hets no “znacht” geh… Und zwor ufem Notkocher hemmer “Jonny” gmacht. 420g usere Büchs wo wohrschinli gad so alt isch wie ich… Und es segi sbeschte vo de Büchse - seit de Lütnant wo hine dra stoht und es Zum-Glück-mues-ich-das-nöd-esse-Lache druf het…
De nögschti Tag isch zentralisierti Usbildig gsi, chli Funke und Sanität. Sgröschte Problem isch gsi, das mer nöd ischloft ;-) Und denn wär do Donschtig au scho wieder fertig.

Weiterlesen

Aktuell


Kategorien


Archiv