Der 30. Franken?
Geschrieben am 28.04.2007 um 11:43
Kategorien: Steinbruch | 2 Kommentare
Emole e chline gschicht zum nodenke 
Es sind mol drü buebe imne dorf gsi, wo gern fuessball gspilt hend… Denn hend die sich mol en eigene balle chaufe wölle und hend druf gsparet, recht lang. Irgendwenn hend denn jede mol 10 franke gha, und zämä also 30 franke. Mit dem geld sinds denn in dorfsportlade gange und hend nocheme ball gfroget. De chef isch gad nöd ume gsi, aber de lehrling verchauft ene en balle für 30 franke. DBuebe hend mega freud und ziend mol devo. Wo denn de chef cho isch, het de lehrling stolz verzellt, das er de ladehüeter entli für 30 franke verchauft het. Am chef hend die drü aber leid tue wo so lang gsparet hend und het us de kasse 5 franke gno und zum lehrling gseit, dass er dene sovill zrugg geh söll. De lehrling goht mitem geld de andere noh, aber findet, dass er nöd die ganze füf franke dene söll geh - und 5 chan mer jo au nöd dur 3 teile, also het er entschide, dass er jedem ein franke git und selber zwei bhaltet für sich. gesagt, getan.
Jetzt het jede vo dene drü 10 - 1 = 9 franke an balle zallt, macht 27 franke. Und 2 sind vom lehrling. Macht 29 franke. Aber wo isch de 30. franke?
Mechanik Klausur
Geschrieben am 25.04.2007 um 23:58
Kategorien: Studium | Kommentar schreiben
Man betrachte vor allem die rechte Darstellung: Vier Hauptspannungen in der selben Zeichnung. Und das isch bi de Prüefig gsuecht gsi. Hoi.
AppleScript und der Countdown ;-)
Geschrieben am 25.04.2007 um 23:56
Kategorien: Projekte | Kommentar schreiben
AppleScript isch e super Sach:
say “The computer will shut down in 5 seconds”
delay 0.5
say “5″
delay 0.5
say “4″
delay 0.5
say “3″
delay 0.5
say “2″
delay 0.5
say “1″
delay 0.5
say “Kaboom” using “Boing”
tell application “System Events” to shut down
Das isch Code wo so usgführt wird, chan mer sich jo guet vorstelle Wer mol amne Mac isch: usprobiere (Skripteditor -> Speichere -> Starte)
Für Elise
Geschrieben am 21.04.2007 um 00:15
Kategorien: Steinbruch | 2 Kommentare
Archimedes’ Ente und Der Tod
Geschrieben am 18.04.2007 um 23:03
Kategorien: Steinbruch, Studium | Kommentar schreiben
Hüt in Analysis hend mir sPrinzip vom Archimedes besproche. Und zwor nöd mit de legendäre Chrone, sondern mit de Ente vom Archimedes:
Und i de nögscht Stund hemmer denn zmol alli Angscht übercho, will Der Tod es paar Plätz wiiter weg ghocket isch…
(Fotos (c) 2007 by Florian Beck, dankä! :P)
Rome ;-)
Geschrieben am 17.04.2007 um 10:51
Kategorien: Me, Myself and I | Kommentar schreiben
De Fritig noch Analysis isch noch Rom gange Do es paar Föteli devo…
Bi dem Brunne mues mer mit de rechte Hand über di linki Schultere rückwärts e Münze wörfe, de Legende no wird mer denn wider mol uf Rom cho
Vo üsere Wohnig her het mer fascht uf de Piazza di Popolo (oder so ;-)) und uf Tramlinie gseh. Am morge früeh nemet Tramfahrer uf dere Gerade de Schriber und sChrüzwortsrätsel use. Hoi. Uf dem besagte Platz hets au no e Werbeverastaltig gha für dEuro 2012 Kandidatur vo Italie gha und es het au dementsprechendi Aktivitäte geh:
Nebscht allne schöne Plätz und Monument hemmer au es paar düschteri Virtel und Strosse gfunde
Es Bischpil für en schöne Platz wär sKolloseum:
Asslig gross. Die spinnen, die ‘ömer. Und bi dere Hitz het mer au go Glace esse müese… Die Glace isch de Hammer. Himbeerglace schmöckt wie Himbeer, Zitroneglace wie Zitrone, genial 
Schiins gits au Gmüesglace, aber danke, nei. Und wenn mer mol in Rom isch und eigentli selber fascht döte tauft worde isch, denn mues mer jo fascht in Petersdom goh.
Aber es het huere vill Lüüt gha und mir hend denn gmerkt das Mess isch. Und zwor will de Sepp 80i worde isch. Gmeint isch de Sepp Ratzi, seines Zeichens Benedikt XVI. Aber am Nomi het mer denn doch ine chöne, das isch gigantisch
Und noch 320+187 Stufe het mer denn die Ussicht:
Sehr spannend isch au, was mer gege Vögel macht wo Statue chöntet verunstalte:
Man nehme Hochspannung und die Vögel bleiben garantiert nicht lange auf den Statuen
Am Obig simmer no sOlympiastadion go aluege und hend mit chli Überzügigsarbeit au ine chöne. Schad hemmer nöd vorher gwüsst, dass de AS Roma döte spillt. Und sis 7:1 mitme 4:0 wider chli uffangt. De Totti het schiins zwei Goal gschosse.
So das ischs fürs erschte mol gsi. DFöteli vo de Digicam tueni spöter mol ergänze - das sind die vom Handy gsi
Mindestens haltbar bis…
Geschrieben am 17.04.2007 um 10:17
Kategorien: Me, Myself and I, Steinbruch | Kommentar schreiben
Haltbar bis am 11. Juli 200? - bi wichtige Informatione isch e Wildcard immer guet 
hoi.
Sie sind nicht da.
Geschrieben am 17.04.2007 um 08:08
Kategorien: Steinbruch | Kommentar schreiben
Isch doch spassig wenn mer sich astemplet und denn dMaschine das meint Die weiss sooo vill
Aktuell
- Bachelorarbeit abgschlosse und Liiiiseberg
- Trams…
- Chuchi, Projekt, Preem und Robot-SM
- Cortégen
- Volvo, Hafe, Projekt und Fuessball
- Stockholm, Unihockey und Jungwachtleiter :D
- Flo uf Bsuech
- Elias testet für Sie (11): Tramsitze
- Familie uf Bsuech
- Elias testet für Sie (10): Ostkaka