Aeroseum
Geschrieben am 20.02.2009 um 11:47
Kategorien: Schweden | 1 Kommentar
Geschter Obig bini mit zwei Kollege is Aeroseum, emene Muesum bim CityAirport imne ehemolige Top-Secret Flugzüüghangar. Im Internet isch gstande, dass dFüehrige uf englisch gmacht werdet wenn mer vorher alütet. Am Telefon hends mir denn gseit, das das nüm so segi - nur no schwedisch. Egal gömmer trotzdem mol. I ha zwor no gwüsst, welle Bus, aber nüm wo usegoh… Het denn aber trotzdem klappet, au wenn üs alli andere Mitfahrende nöd so gern gha hend will mer immer wieder am falsche Ort druckt hend 
Womer denn acho sind hemmer gmerkt das mir di einzige sind wo en Kilometer dur de Schnee gloffe sind, alli andere sind mitem Auto döte… Isch au nöd chalt gsi oder so.
Zum Glück hets denn aber zwei Füehrer gha, und de eint het üs alles uf englisch erklärt. Und üs gfroget öb mir us England sind *proud* oder so. Naja, wonem denn gseit han dasi schwedisch lerne tue heter mit mir nur no schwedisch gredet, zonk Isch no recht iidrücklich gsi, eifach es rechts Tunnelsystem unterirdisch. DHälfti vo de Flugzüüg ghöret no am Militär und sind no isatztauglich… I di andere het mer ine chöne:
I han denn au usegfunde, wieso ich nöd Pilot werde chan *autsch*. Und will in Schwede Kafi trinke so wichtig isch, isch eis Tunnel nur für das reserviert. Und natürli au e Halbstund während de Füehrig. Mir hend denn au no es lässigs Erinnerigsfoti gmacht, wer findet mi?
Zmol isch denn die vom Iigang cho und froget üs, wie mir denn hei chömet. Jaaaa guet, mitem Bus. Und si seit: Es fahrt kein Bus meh. Also hüt, morn denn wieder. Aaaaaaaaha, frei nach dem Motto: Man sollte nicht nur den Hinweg überprüfen. Sii het üs denn aber enart Publicar (das gits do au :P) bstellt und mir sind denn sogar zu de Haltestell gfahre worde. Die sind üüüberfründlich gsi! 
Und wills de Saab Autos nöd so guet goht und de Saab Aerospace vilicht bald no besser (wenn dSchwiiz au Gripens chauft :P), sind au dSüessigkeite apasst worde:
Ishockey och Innebandy
Geschrieben am 18.02.2009 um 00:31
Kategorien: Schweden | Kommentar schreiben
Letscht Wuche bini sowohl Iishockey wie auch Innebandy (besser bekannt bi üs als Unihockey, aber do kennt das keine…) go luege. Frölunda Indians het gege Brynäs 4:1 gwunne. Han selte sonen schös Goal gseh wies 4:1, hans aber uf Youtube bis jetzt nonig finde chöne… S’Beschte dra isch s’Ilaufe vo de eigene Mannschaft:
D’Gegner werdet denn au no churz erwähnt und chömet dur en Hinterigang ine Bi jedem Goal wird no e Rakete im Stadion zündet, was super usgseht, aber au recht stinkt wenn mer nöch dra isch. I de erschte Pause hend 6 gege 6 10-jöhrigi chöne spille, und do heti scho zimli alt usgseh 
i de zweite Pause sind denn um di 20 Synchronschlittschuehläuferinne uftrette… Das het echt guet usgseh.
Au bim Innebandy wird recht vill Wert uf Show gleit. Halle dunkel. Bitz dämmrig mache, Genger akünde und ineloh. Wieder ganz dunkel. D’Gegner stönd chli hilflos ufem Platz. Grosse Countdown vo 10. *Paaam* *Peeeng* Füürwerk und en Spot und d’Heimmannschaft, Pixbo Wallenstam, lauft ine. Huere luut Musig und so. Denn chunt de erscht Block uf de Platz. Nomel dunkel mache. Jede einzel Spieler (natürli nur vo de eigene Mannschaft) mitme Spot nomel zeige und vorstelle. Und denn gohts los. Leider isch de Match nöd bsunders asprechend gsi und mit 1:5 für de Gegner au recht klar usgfalle. Aber i gang sicher nomel eine go luege, wird sicher no besser cho
Elias testet für Sie (07): Köttbullar
Geschrieben am 18.02.2009 um 00:22
Kategorien: Schweden | 1 Kommentar
Willkommen zu “Elias testet für Sie”!
Heute in der Sendung: Köttbullar (sprich “Schöttbüllar”), zu deutsch etwa Fleischhefestück. Aaaaaha. Vielleicht wäre Hackfleischbällchen die bessere Übersetzung. Wie auch immer. Gibt’s an vielen Orten - auch in IKEA. Diese hier sind vom “Café du Nord” - klingt französisch, ist es aber nicht. Ist ein Köttbullarkällaren, also Hackfleischbällchenkeller, obwohl es nicht im Keller ist. Und den findet man in der Nähe vom Kungsportsplatsen.
Und in Schweden tut man an alles Sylt, also Konfitüre. Auch wenn Christian nun gleich meinen wird, dass Preiselbeeren sind. Sind’s ja auch, aber halt Preiselbeerkonfitüre Wie auch immer. Am ersten Tag habe ich Laxpudding (Lachsauflauf - eine Lage Lachs, eine Lage Kartoffeln) gegessen. Mit Erdbeerkonfitüre. Zurück zu Köttbullar. Elias denkt:
Schifffahrt nach Styrsö
Geschrieben am 18.02.2009 um 00:16
Kategorien: Schweden | Kommentar schreiben
So nochere chli längere Pause tueni min Blog wider mol chli uffrische. Letscht Wuchenend hani chli as Meer wölle, han im Tram aber no zwei anderi Ustuschstudentinne troffe und han mi den dene agschlosse. Drum bini chli wiiter umecho und han usegfunde, das mini Tramcharte au fürs Schiff goht.
Mir hend denn bi agnehme 3°C en schöne Sandstrand mit leckere Blätter gfunde (woni nocher no im Gsicht gha han - i möcht mi a dere Stell no bedanke ;-)).
DInsle isch no schön, halt eifach vill zchalt gsi. Irgendwenn hemmer denn gmerkt das mir de Weg nüm wüsset, aber do die Insle so chli sind isch mer i 20 Minute immer am Meer I han mi eifach di ganz Ziit gfroget wer do lebe wöt
Am Obig simmer denn no im Sticky Fingers gsi, en Club in Göteborg mit verschidenster Musig. Isch zimli cool döte
Elias testet für Sie (06): Kanelbulle
Geschrieben am 06.02.2009 um 12:30
Kategorien: Schweden | 4 Kommentare
Willkommen zu “Elias testet für Sie”!
Heute in der Sendung: Kanelbulle, zu deutsch etwa Zimtgebäck. Schmeckt etwa so wie es aussieht: Lecker In Schweden ist “Pause machen und Kaffe trinken” so beliebt und wichtig, dass es ein eigenes Wort dafür gibt: fika. Und das dauert gut und gerne mal eine Stunde oder mehr.
Darum gibt’s Kanelbulle auch im Extrapack zusammen mit Kaffee. Wahrscheinlich sogar günstiger als die Kanelbulle alleine. Elias beginnt darum jetzt auch mit Kaffee trinken. Elias denkt (Kanelbulle OHNE Kaffee ^^):
Båtmässan
Geschrieben am 06.02.2009 um 12:24
Kategorien: Schweden | Kommentar schreiben
Die Wuche isch grossi Bootsmess in Göteborg und wenns so nöch isch mues mer sini zuekünftige Spiilzüüg scho mol go aluege
So ab 2 Millione Chrone (300′000 CHF) het mer scho was recht aständigs. Wichtig isch au, dass mer Schluchboot mit drü 370-PS-Motore usgstellt het - isch au ganz nett. S’Problem a dene Schiff isch eifach, dass ich i keim einzige Bett Platz het und au i de meischte nöd stoh chan. Ganz am Schluss hani denn doch no eis gfunde, wo es Loch für dFüess het und dBett somit länger als 1.80m gsi isch Muesi mir halt doch e Spezialafertigung mache loh
Chalmers Big Jump Open
Geschrieben am 06.02.2009 um 12:20
Kategorien: Schweden | Kommentar schreiben
Am letschte Samschtig isch Chalmers Big Jump Open gsi, do es paar Fotos:
De Schnee (14 Laschtwäge) hends übrigens vo de umligende Iisbahne gha. Jetzt stoht eifach no en riise Huufe Schnee döte. Und so wie mer jetzt sGfühl het, stoht de döte no ordeli lang… *brrrr* Meh Föteli und Videos hets uf: www.cbjo.com
Sauna-Party
Geschrieben am 03.02.2009 um 22:01
Kategorien: Schweden | Kommentar schreiben
Am Wuchenend isch Sauna-Party gsi. De Student Union ghört di gröscht Holzgheizt Sauna vo Skandinavie und sie isch ordeli gääch amene See glege. De See isch gfrore gsi, aber usse am Steg hemmer es Loch dri gmacht und do het mer ab und zue chöne go e Abchüelig neh. Immer suuber wechsle vo 75° C zu öppe null
Nochher hets no lecker schwedisch Esse geh und so chli klasselagermässigi Darbütige und schwedischi Lagerfüürlieder singe. Bis uf de Drunken Sailor hani nöd bsunders vill kennt und bi de schwedischi isch nur scho srichtige Lese schwer gsi
Und no öpis für all die wo a Norme glaubet:
Aktuell
- Bachelorarbeit abgschlosse und Liiiiseberg
- Trams…
- Chuchi, Projekt, Preem und Robot-SM
- Cortégen
- Volvo, Hafe, Projekt und Fuessball
- Stockholm, Unihockey und Jungwachtleiter :D
- Flo uf Bsuech
- Elias testet für Sie (11): Tramsitze
- Familie uf Bsuech
- Elias testet für Sie (10): Ostkaka