Kiruna-Trip :D
Geschrieben am 25.03.2009 um 15:49
Kategorien: Schweden | 2 Kommentare
Vom Donschtig bis am Sunntig bini in Kiruna gsi. Kiruna isch di nördlichschti Stadt vo Schwede, ghört zu Lappland und het öppe 20′000 Iiwohner. Kiruna isch vo Göteborg us wiiter weg als Züri. Am Donschtig Morge simmer an Flughafe (und i han keis Ticket glöst, hans im Bus wölle mache, de Automat isch kabutt gsi, Fahrer seit isch gratis *strike*) und via Stockholm noch Kiruna gfloge. Es het eifach zwei Stund lang genau gliich usgseh, kei Städt, kei Lüüt, eifach Wald, See und viiill Schnee.
In Kiruna hemmer denn mol i de Jugi ichecked und sind nochher ufs Tourischtebüro gloffe. Döte hemmer gseh das de nögscht und letschti Bus is Iishotel in drü Minute goht und zwor vomne völlig andere Platz. Mir hends denn aber doch no gschafft und das het sich au glohnt:
Prüefig, Dinner, und neus Dihei
Geschrieben am 18.03.2009 um 19:39
Kategorien: Schweden | 3 Kommentare
Soo bevor ich uf Kiruna gang (vo döte chömet denn sicher au no es paar Fotene), hani no es paar Fotene. Bi de Prüefig hets no es Tentakit geh, mit Schriiber, Bonbons und so wiiter drin:
DPrüefig isch au ganz guet gange, nur dNote weissi nonig 
Aber swichtischt isch das dMusterlösig am gliche Obig no ufs Netz chunt und das dNoteverteilig au scho gmacht worde isch - aber dNote wüsset mir nonig. Aha.
Letscht Sunntig hets en International Dinner geh. Und ufgrund vo mine Chochkünscht hani mi denn dezue entschide, eifach Dip zmache Highlight sind natürli dWiener Schnitzel gsi! 
Und no e Foti vo mim neue dihei. Der geneigte Leser söt au mis Zimmer finde
Wie gseit gohts vo morn bis am Sunntig Obig uf Kiruna. Das isch vo Göteborg öpe sowiit weg wie Züri, also rund 1500km. Döte machet mir e Hundeschlittetour, chönd Iisfische, Schneemobil fahre, hoffentli dPolarliechter gseh, e Iisemiine aluege, imne Iishotel go Kafi trinke, … *weeeeiiiii*
Elias testet für Sie (09): Tranbär
Geschrieben am 09.03.2009 um 23:59
Kategorien: Schweden | Kommentar schreiben
Willkommen zu “Elias testet für Sie”!
Heute in der Sendung: Tranbär, zu deutsch etwa Beerentran. Kommt aus der Wildnis. Av äkta bär. Aber nicht von echten Bären, sondern echten Beeren. Bär heisst auf schwedisch nämlich Björn. Laut Wikipedia heisst Tranbär auch «Gewöhnliche Moosbeere», oder Vaccinium oxycoccus. Und enthält viel Vitamin C, 30mg/dl.
Ziemlich sauer, aber so kann das nun mal gehen, wenn man einfach etwas aus dem Regal nimmt. Elias findet es immer noch Schade, dass es nicht Bärensaft ist, und denkt:
Prüefigswuche
Geschrieben am 09.03.2009 um 17:46
Kategorien: Schweden | Kommentar schreiben
Die Wuche isch Prüefigssession, mini Prüefig isch über Real-Time Control Systems. Tönt leider noch chli meh als es isch, bi de Prüefig isch vill uswendig lerne. Hilfsmittel sind nebscht em Tascherechner no ei A4-Siite. Und döte dörf so vill druf wie passt, mer mues es eifach vo Hand schribe:
Mol gugge, wie guet das denn am Mittwoch chunt. Do gönd alli Prüefige vier Stunde, in Stockholm sinds sogar füf. Also het mer gnueg Ziit sich znerve, wieso mer sich das jetzt nöd au no aglueget het (anstatt Blog zschribe oder so). Und es söt au kei Verlängerig geh im Liverpool-Match, das wür vilicht chli uf dLeischtig schloh Bi de Note chani denn no eis dezuezelle, das isch no schön. Do gohts Notesystem so: Fail, 3, 4, 5. Kei Abstufig oder so, aber immerhin au nöd (sölls i gwüsse Länder geh!) 6 oder 12 Abstuufige für nöd bestande
Elias testet für Sie (08): Kryptoniter and Jättesalt
Geschrieben am 08.03.2009 um 20:10
Kategorien: Schweden | Kommentar schreiben
Willkommen zu “Elias testet für Sie”!
Heute in der Sendung: Kryptoniter, zu deutsch etwa, und Jättesalt, zu Schweizerdeutsch etwa huere salzig. Kryptoniter sehen gefährlich aus, sind sie aber nicht. Sind sauer und etwas salzig, aber nicht “jätte”. Mal die andere Packung öffnen. Wääääh! I han grad usegfunde, dassi mis Fenschter nöd sowiit chan ufmache zum Sache usewörfe…
Ich kann Jättesalt empfehlen als Fisherman-Imitation für Leute, die man nicht mag. Kryptoniter sind ganz okay. Elias denkt:
Elimination of Spanish Slugs
Geschrieben am 03.03.2009 um 00:43
Kategorien: Schweden, Studium | Kommentar schreiben
Für die wos nöd wüsset: Ich mach in Schwede mini Bachelor-Arbeit und sThema isch e Schnegge-Eliminations-Maschine zentwörfe und baue. I bin mit zwei Schwede im Team und mir machet e Grät wo de Garte bewacht. Also wenn en Rosschnegg probiert inezcho, werdet mir üs um de kümmere Möglichli Lösigsasätz sind:
Züügle!
Geschrieben am 03.03.2009 um 00:33
Kategorien: Schweden | 4 Kommentare
Soo, das Wuchenend hani entli züügle chöne und wohn jetzt im Zentrum. Wie Kollege scho gseit hend, bruchi jetzt «kein Pass meh zum heicho». Neu wohni füf Minute zur Uni, zeh Minute zum Sportzentrum, füf Minute zum Badminton, usw Eifach alles 10x weniger! Eigentli han scho am Donschtig zügle wölle, het aber nöd klappet will die mis Zimmer nonig putzt hend und drum bini gad no bis am Sunntig im alte Zimmer blibe. Am Samschtig Obig hemmer no es Fescht gmacht, eine het Geburtstag gha und eifach so dass sich alli im Gebäude mol gsehnd (di letscht sotig Party isch im Oktober gsi ;-)). Sind denn au um di 30 Lüüt cho und isch super worde! Am zwei hemmer denn agfange “Werwolf” spille und irgendwenn au mol go schlofe.
Am morge früeh hani ordeli früeh muese ufstoh zum packe und ufruume, i han gar nöd gwüsst dasi scho so vill Sache han, sAuto isch volle gsi:
Am neue Ort hani denn mol alles installiert und bin go tschutte, aaah 10 minute Weg, de Hammer. Nochem tschutte simmer no go Pizza esse und i han denn wölle i mis alte Zimmer go butze. Unterwegs hani zweimol müese 20 Minute uf de Bus warte (bini mi scho fascht gwöhnt) und bin nochere Stund döte acho. Vor de Türe gstande und gmerkt, dasi mini alte Schlüssel im neue Zimmer han. Zoooooonk! Guet bini wieder hei, nomel e Stund und denn wär nocher kein Bus meh gfahre. Also bini am Mentig morge am sechsi ufgstande (so nebetbi: i han mis Bett neu links a de Wand, han das vorher meh als füf Johr rechts gha. Wecker lüütet, ich spring meh oder weniger dWand ah - zum Glück hani no e Matte döte gha… ;-)). Zimmer butzt (45 Minute Weg, verstoht sich), Schlüssel abgeh, neue Läbä! Föteli vom neue Heim chömet denn spöter no… Eifach mol eis, usem Lift:
Brucht glaubs kei wiiteri Erklärige meh… 
Aktuell
- Bachelorarbeit abgschlosse und Liiiiseberg
- Trams…
- Chuchi, Projekt, Preem und Robot-SM
- Cortégen
- Volvo, Hafe, Projekt und Fuessball
- Stockholm, Unihockey und Jungwachtleiter :D
- Flo uf Bsuech
- Elias testet für Sie (11): Tramsitze
- Familie uf Bsuech
- Elias testet für Sie (10): Ostkaka