Volvo, Hafe, Projekt und Fuessball

Geschrieben am 27.04.2009 um 09:10
Kategorien: Schweden | 2 Kommentare

Letscht Wuche simmer zunere Exkursion zu Volvo und em Port of Gothenburg, also em Hafe, iglade worde. Bi Volvo isch de Bsuecherzug, wo dur dHallene durefahrt “kabutt” gsi, drum hemmer e Füehrig durs Museum gha - dAfüehrigszeiche, will mir nocher gseit worde isch, dass sie nur umefahret wenns produzieret. Und im Moment isch das jo nöd immer de Fall. Isch trotzdem no spannend gsi ;-)

dsc00240

De erschti Volve vo usecho isch. De Ring i de Mitti isch als Logo gwählt worde als Zeiche vom schwedische Stahl, wo do uf de ganze Welt scho ein guete Ruef gha het. Di diagonal Linie isch denn erscht noch de erschte Prototype cho. De Ring segi immer abgheit, denn het irgendeine gfunde, machet doch sone Teil ane als Befeschtigung *aaaaha*. Vilicht hends au irgendwo no Griff anegmacht.

dsc00241

Weiterlesen

Stockholm, Unihockey und Jungwachtleiter :D

Geschrieben am 20.04.2009 um 16:22
Kategorien: Schweden | Kommentar schreiben

Am Samschtig Morge früeh bini mitem Zug (X-2000 ;-)) vo Göteborg noch Stockholm gfahre. I han mir dZugtickets vor zwei Mönet kauft und die hend es ähnlichs Reservationssystem wie EasyJet. Drum gits ab und zue au komischi Sache. I fahr für 200 SEK mit de erschte Klass hii (isch günschtiger gsi als zweiti Klass!) und spöter zweiti Klass für 300 SEK wider zrugg. Erschti Klass bedütet do nöd nur eifach grösseri Sitz, sonern au no Kafi, Tee, Frücht, Ziitig und Internet - also im Priis debi ;-)

dsc00198

In Stockholm hani zerscht zunere Kollegin go esse chöne und nochher bini mitme andere Schwed an schwedische Unihockey-Final. Im Gegesatz zu de Viertel- und Halbfinals gits do nur eis Spiil im Globen, amne chugelförmige Stadion :P Es sind beidi Final gad nochenand gsi. Bi de Fraue het Balrog us Stockholm gege Falun mit 4-2 gwunne, zwüscheziitlich isch es mol 2-2 gsi. Bim Herrefinal sind denn nomel 5000 Lüüt meh cho und es isch mit 14′000 Lüüt sozege usverchauft gsi. Döte het Warberg us de nöchti vo Göteborg gege AIK (Stockholm) mit 2-6 verlore, bim Stand vo 2-4 hends de Goali usegno und nomel zwei kassiert. Es isch nochem erschte Drittel 1-1 und nochem zweite 2-2 gsi und somit lang spannend blibe :P Obwohls Final in Stockholm gsi isch, het mer nur dFans vo Warberg gseh und ghört. Het aber trotzdem nüt gnützt…

dsc00209

Vor jedem Drittel hets au no Füürwerk geh im Stadion

This video was embedded using the YouTuber plugin by Roy Tanck. Adobe Flash Player is required to view the video.

Und bim Siig no Goldrege :D

dsc00213

Schad das Göteborg kei Metro het, han das nämli wider mol toll gfunde ;-) *paaariiis* Glichziitig isch dMetro no di weltwiit gröschti Kunstusstellig, wills ufem ganze Netz es paar Sache verteilt hend… Wie au immer ;-)

dsc00215

Nochher hani de Green und de Cherry, zwei ehemolige Jungwachtleiter, wo a dem Wuchenend uf Stockholm cho sind troffe. Am Sunntig simmer denn zämä go de Fernsehturm aluege:

dsc00216

Zum döte anecho het mer am Technische Museum müese verbiilaufe, also dem Ort won de Chrigi und ich üsi Maturaarbeit im 2006 usgstellt hend ;-)

dsc00218

Vom Turm het mer e riisig gueti Usicht gha. Ufem erschte Bild gseht mer chli Stockholm und ganz chli de Globen und ufem zweite en Hafe wo im 2006 üses Hotel gsi isch. Am Sunntig Obig bini wider noch Göteborg zrugggfahre und kenn jetzt nomel en Vorteil das dSchwede dFilm nöd synchronisiere tüend. Denn chan mer nämli bim Sitznochbuur uf de Laptop luege und de Film mitlese wenn mer scho nüt ghört :P

dsc00223

dsc00219

Flo uf Bsuech

Geschrieben am 17.04.2009 um 13:11
Kategorien: Schweden | Kommentar schreiben

Vor Ostere isch de Flo uf Bsuech cho, di erschte paar Täg simmer no mit minere Familie gsi, bis die denn heigfloge sind. Am Samschtig hemmer wölle go Badminton spille, sind denn aber vor verschlossene Ostertüre gstande. Nocher simmer an Match vo IFK Göteborg, wo de erschte Match im neue Stadium gha het.

dsc00022

Noch drü Minute isch 1:0 gsi, noch sechs isch es bereits 2:0 gsi. Noch de Pause en Wiitschuss vo hinder de Mittellinie und denn isch es 5:0 gsi. Und mer chan feschthalte, dass dStadioniweihig glunge isch, wenn mer mit 6:0 gwünnt ;-) Nögscht Samschtig isch denn offizielli Eröffnig vom Stadion, wo au als Stadion vo de schwedische Fraue-Nati isch. Es git es Fründschaftsspiil gege Brasilie - Tickets hani scho mol ;-) Am Obig simmer denn no go grilliere - sWetter isch de Hammer gsi!

Weiterlesen

Elias testet für Sie (11): Tramsitze

Geschrieben am 17.04.2009 um 11:25
Kategorien: Schweden | Kommentar schreiben

Willkommen zu “Elias testet für Sie”!

Heute in der Sendung: Tramsitze. Zu deutsch etwa Tramsitze. Aber das vorher war auch schon deutsch. Zum wesentlichen. In Göteborg verkehren drei Generationen von Trams. Ganz alte, aus denen auch das Foto stammt, mittelalte und neue Drehstromtrams. Und so sehen die alten Tramsitze aus:
DSC000062.jpg

Glücklicherweise sind die Sitze beide in Fahrtrichtung ausgerichtet, immerhin. Interessant sind zudem die Ziehleinen oberhalb der Fenster um Halt zu verlangen. Jedes Tram hat zudem den Namen einer Göteborger Persönlichkeit. Elias kennt keine einzige. Aber das ist OK so. Elias denkt, dass die neuen Trams gut sind und ist froh, dass es dort keine solchen Sitze mehr hat. Dies ist kein typisches schwedisches Essen - du und ich wüüüsset ;-)

Familie uf Bsuech

Geschrieben am 17.04.2009 um 11:12
Kategorien: Schweden | Kommentar schreiben

De Blog hani i letschter Ziit chli vernochlässiget, will ich Bsuech us de Schwiiz gha han. I wird jetzt aber natürli alles nohole ;-) E Wuche vor Oschtere isch mini Familie do ane cho und wills Friitig gsi isch, simmer gad zerscht mol is Afterwork gange. Buffet für 25 Chrone - drü Franke vierzg. Afterwork isch eifach immer en sichere Wert! Am Samschtig simmer go tschutte, nochher id IKEA go mit Karton agriicheriti Würschtli zesse und nocher id Mietwohnig in Skärhamn, Tjörn. Das isch guet siibe schwedische Meile (also 70 Kilometer) nördlich ufere Insle. Üsi Wohnig isch oberhalb vom Tourischtebüro gsi und het öpe so usgseh:

DSC00009.jpg

Also es isch s’rote! ;-) Leider hani nöd bsunders vill Fotene, will mini Familie dKamera wieder mitgno het. Aber dennoch es paar woni mitem Handy doch no gmacht han. Und dorum:
Weiterlesen

Elias testet für Sie (10): Ostkaka

Geschrieben am 17.04.2009 um 11:12
Kategorien: Schweden | Kommentar schreiben

Willkommen zu “Elias testet für Sie”!

Heute in der Sendung: Ostkaka. Zu deutsch etwa Käsekuchen. Sieht nicht so aus, schmeckt auch nicht sehr nach Käse. Heisst aber trotzdem so. Wie in Schweden üblich hat alles Beeren drauf. Süsser Käsegeschmack ist gewöhnungsbedürftig, aber schmeckt dennoch.
DSC000071.jpg

Aufgrund des aktuellen Wetters, das seit mehr als zwei Wochen strahlend schön ist, erhöht die Existenz von Beeren natürlich die Chancen auf gute Bewertungen. Elias will auch wieder raus an die Sonne und denkt deshalb:

_star.jpg_star.jpg_star.jpg _starg.jpg

Aktuell


Kategorien


Archiv