Familie uf Bsuech

Geschrieben am 17.04.2009 um 11:12
Kategorien: Schweden |

De Blog hani i letschter Ziit chli vernochlässiget, will ich Bsuech us de Schwiiz gha han. I wird jetzt aber natürli alles nohole ;-) E Wuche vor Oschtere isch mini Familie do ane cho und wills Friitig gsi isch, simmer gad zerscht mol is Afterwork gange. Buffet für 25 Chrone - drü Franke vierzg. Afterwork isch eifach immer en sichere Wert! Am Samschtig simmer go tschutte, nochher id IKEA go mit Karton agriicheriti Würschtli zesse und nocher id Mietwohnig in Skärhamn, Tjörn. Das isch guet siibe schwedische Meile (also 70 Kilometer) nördlich ufere Insle. Üsi Wohnig isch oberhalb vom Tourischtebüro gsi und het öpe so usgseh:

DSC00009.jpg

Also es isch s’rote! ;-) Leider hani nöd bsunders vill Fotene, will mini Familie dKamera wieder mitgno het. Aber dennoch es paar woni mitem Handy doch no gmacht han. Und dorum:

Mir hend vo döte her vill Usflüg gmacht. Zum Biischpil Schlösser aglueget:

DSC00012.jpg

In Göteborg hemmer au sUniverseum bsuecht, es Museum mit sehr villne Tier, Aquarie und Trope ;-) Highlight sind en zwei Meter lange Hai, en Sägehai und sehr vill Roche. Am Schluss simmer gad no ane Schlangefüeterig anegloffe, leider het die doof Schlange aber dRatte nöd würkli wölle esse wenn mir zueleget…

Spöter hemmer denn au no Usflüg uf de Insle Tjörn selber gmacht und hend ufme Felse no es freis Elch-Reh-Ren-irgendwas-Tier vor üs gha. Zum Glück het mer mitem Handy immer e scharfs Föteli ;-)
Bild033.jpg

Mitem Schiff simmer denn uf dNochberinsle Åstol gfahre. Es isch zwor fascht überall womer öpis chan baue au was gstande, aber Platz für e Badi hets immer

DSC00013.jpg

Woni mit minere Schwöschter dur sDorf gloffe bin huupets zmol und es isch e Mitbewohnerin vo mir gsi wo - wani nöd gwüsst han - döte mol gwohnt het, döte en Feriejob het und eri Familie au döte gsi isch. Mir sind zumne typisch schwedische zNacht iglade worde - Heering, Fischsuppe, … :-D DFamilie isch italienisch-dütsch-schwedisch, aber alli hend immer italienisch gredet, so hani nöd vill zmelde gha… :P Mues also unbedingt au no italienisch lerne!

Mini Familie het en Ford Focus Combi reserviert gha, aber us irgendwelche Gründ denn nur en BMW 1er übercho. Isch zvierte scho sehr eng gsi, wo mir denn zfüfte gsi sind isch denn aber würkli fascht chli zvill gsi - zum Glück bini immer gfahre :P SAuto segi erwähnt wenn mer denn de nögscht Artikel lese wird ;-)

Kommentare

Leave a Comment

If you would like to make a comment, please fill out the form below.

Name (benötigt)

Email (benötigt)

Website

*
To prove that you're not a bot, enter this code
Anti-Spam Image

Kommentare

Aktuell


Kategorien


Archiv