Flo uf Bsuech

Geschrieben am 17.04.2009 um 13:11
Kategorien: Schweden |

Vor Ostere isch de Flo uf Bsuech cho, di erschte paar Täg simmer no mit minere Familie gsi, bis die denn heigfloge sind. Am Samschtig hemmer wölle go Badminton spille, sind denn aber vor verschlossene Ostertüre gstande. Nocher simmer an Match vo IFK Göteborg, wo de erschte Match im neue Stadium gha het.

Noch drü Minute isch 1:0 gsi, noch sechs isch es bereits 2:0 gsi. Noch de Pause en Wiitschuss vo hinder de Mittellinie und denn isch es 5:0 gsi. Und mer chan feschthalte, dass dStadioniweihig glunge isch, wenn mer mit 6:0 gwünnt Nögscht Samschtig isch denn offizielli Eröffnig vom Stadion, wo au als Stadion vo de schwedische Fraue-Nati isch. Es git es Fründschaftsspiil gege Brasilie - Tickets hani scho mol Am Obig simmer denn no go grilliere - sWetter isch de Hammer gsi!

Am Sunntig simmer go sMartiman aluege, es Schiffsmuseum im Göta Älv. Isch no gross all das Züügs

Und au sehr vill neui Erkenntnis. Zum Biispiil: Was stoht ufme Radar?

bild045

Das Schiff isch natürli au no miteme SE-104 usgrüschtet gsi mit Verstärker

Und wer isch dGschäftsleitig vo de Werft gsi? - Richtig, en Bart het er au.

bild043

Und Florian versucht sich auf dem Kranschiff:

Zum Schluss no sU-Boot:

Nochher simmer no in Göteborg umegloffe. Das Gebäude wird Lippestift gnennt. Ufem Schiff isch es Hotel und es Restaurant, het no Stiiiil

Mir sind denn aber ines anders Kafi, und zwor in das mit de gröschte Kanelbullar :D

Am Mentig simmer is Naturhistorische Museum, swichtigscht isch, dass si en Blauwal hend

Und schiiinbar gits die Tier us de Trickfilm also doch:

“Hej Pingu, hesch du Problem oder was? Weisch, mir wönd nur chli redä hähä.”

I de Tram hets im Moment folgendi Werbig. Si machet Werbig für eri Klubschuel, si hend Kürs in Geografie und schwedisch

Mir isch denn no e Usgob vo Blitz am Abend geh worde, super Sach. Aber i bruch siicher öpe drü Stund zum das no zlese. In Schwede gits de Blick übrigens au:

Am Ziischtig simmer üses Auto go hole. Mol zu de falsche Sixt-Station gange, aber isch üs denn en Kafi serviert worde und so vo wege si bringets Auto gad do ane. “You have a free upgrade.” Aaaaaaaha, und statt BMW 1er hets denn das geh:

So nochem Motto, wenn mer es grosses Auto söt ha het mers nöd und umgekehrt. Aber isch scho guet, mer wöt jo dMöglichkeit ha Zerscht simmer in Norde gfahre richtig Oslo bis uf Tanum. Döte hets Felszeichnige us de Bronzeziit und si ghöret zum Weltkulturerbe vo de UNESCO.

Ufem letschte Bild isch no e Art Grab vo dere Ziit. Uf de Beschriibigstaflene werdet die Zeichnige mit de Pyramide und am Great Barrier Reef vergliche - naja, wie au immer. Interessant isch es uf jede Fall. Nögschte Stopp isch denn

Nögschte Stopp isch Håverud gsi, wo de Dalskanal duregoht. Das ganz isch bereits im 19. Johrhundert baut worde und sHighlight isch de Wasserbrugg:

D’Isebahnlinie im Hintergrund isch zwor nüm würkli in Betriib, aber es isch trotzdem no spannend, dass mer döte wo dSchiff duregönd au chan ufmache. Döte wos Gegegwicht isch hets en Wanderweg - miteme liebe Schild uf ebe das Gwicht ufzpasse… Und im Gegesatz zu de Schwiiz chan mer do überall druf

Erstuunlich isch gsi, dass sotigi Schiff im Summer drüberfahret:

Wiiter isch es gange noch Åmål, und wele Film isch mit dem Bild gmeint?

Aber das isch weder sehr chli (sogar 10′000 Iiiwohner) und het sogar was zum furt goh:

Mir sind denn wiiter uf Karlstad, für vill meh als Fuessball luege hets nüm glanget. Isch zwor en guete Match gsi mit villne Goal - aber Liverpool dusse

Kapitän Flo am nächsten Morgen:

Karlstad isch würkli schön und übersichtlich.

Das isch ufere Übersichtstafle gsi:

Übersetzt: “Es ist okay von Beiträgen (Steuern) zu leben.” In Karlstad simmer no es Museum go bsueche. Di aktuell Usstellig isch über de Zweiti Weltchrieg gsi - i glaub nöd das es i de Schwiiz oder in Dütschland es Museum git wo so starchi Fotene und Videos zeiget wie die. Imne andere Teil hends no e Experimentierwerkstadt für gross und klein gha

Und woher chunt das freie Feld?

Und sogar mit Sandstand!

Und denn simmer um de Vänern umegfahre richtig Mariestad. Es gseht immer chli gliich us, insgesamt hemmer i drü Täg 1000 km zrugggleit - Schwede isch sooo gross

Schwede isch e zimlichi Industrienation (Volvo, Electrolux, Saab, ABB, H&M, IKEA, …) und het au e riisigi Papierindustrie. Unterwegs hemmer oft sotigi Werk gseh:

Mariestad isch au e chlini Stadt gegenüber vo Åmål (also uf de andere Siite vom See). Und sogar für üs het dGlacesaison agfange - bi de Schwede isch es scho vor es paar Wuche gsi

Uf de Charte isch denn en Ussichtspunkt izeichnet gsi und de hemmer denn au gad mol wölle bsueche. Ussichtspunkt, uf 306m! I wohn jo höcher Aber anstatt irgenden Stahlturm hets das gha.

Natürli mit Imbissbude une ine und Kafi. Aber natürli au gschlosse und het nur vo Juni bis August offe Mer het aber au so recht wiit chöne gseh über dSee..

Und wenn mer scho mol en Berg het, denn bruchts au no öpis anders:

Wo isch de Fehler?

Jaha Ufem Heiweg noch Göteborg fahret mir a dem verbi:

Schwede het 329 Viggen hergstellt und die sind alli usgmuschteret worde. Drum stoht jetzt a jedem Egge so eine

Am Donschtig simmer nomel an Vänern gfahre. Das Mol noch Trollhättan is Innoventum, enere Art Technorama. Und noch es paar Minute hani scho mis Lieblingsspiilzüüg gfunde

Und man mache sein eigenes Daumenkino

Oder sein eigenes Segelschiff. Flo am basteln, meins im Vordergrund.

Und denn isch sRenne cho:

Mis Schiff hät kläglich verseit, het immer a de Bandy gstoppt - immer die Riibig A dere Stell nomel herzlichi Gratulation am Sieger! Nocher isch no am Florian sis Unterbewusstsii zum vorschii cho wo jo eigentli Bauing wöt werde

Gege Obig simmer noch Borås wiiter, nomel Fuessball

Das Spiil (Elfsborg gege Kalmar) isch zwor nöd glich guet gsi, aber trotzdem unterhaltsam. I de 88. Minute het Kalmar no zum 1:1 chöne usgliiche. Hüt isch de Flo wider zrugg id Schwiiz und nochher hani sAuto zruggbrocht. Jetzt freui mi ufs Wuchenend Nögscht Wuche goht noch zwei Wuche Pause dUni denn wiider wiiter.

Kommentare

If you would like to make a comment, please fill out the form below.

Flo uf Bsuech

Kommentare

Leave a Comment

Aktuell

Kategorien

Archiv

Monthly Archives

Find It

Admin

Design