• Home

Volvo, Hafe, Projekt und Fuessball

Geschrieben am 27.04.2009 um 09:10
Kategorien: Schweden |

Letscht Wuche simmer zunere Exkursion zu Volvo und em Port of Gothenburg, also em Hafe, iglade worde. Bi Volvo isch de Bsuecherzug, wo dur dHallene durefahrt “kabutt” gsi, drum hemmer e Füehrig durs Museum gha - dAfüehrigszeiche, will mir nocher gseit worde isch, dass sie nur umefahret wenns produzieret. Und im Moment isch das jo nöd immer de Fall. Isch trotzdem no spannend gsi

De erschti Volve vo usecho isch. De Ring i de Mitti isch als Logo gwählt worde als Zeiche vom schwedische Stahl, wo do uf de ganze Welt scho ein guete Ruef gha het. Di diagonal Linie isch denn erscht noch de erschte Prototype cho. De Ring segi immer abgheit, denn het irgendeine gfunde, machet doch sone Teil ane als Befeschtigung *aaaaha*. Vilicht hends au irgendwo no Griff anegmacht.

Im zweite Teil vom Museum hets au no eri Versuechsauto, Prototype und Studie gha. Speziell für Fraue entworfe hends gmeint. Het überall Fächer zum Sache verstaue, für dSitz gits e “Gardarobe” (hine im Bild ersichtlich) wo mer eifach chan dFarb im Auto wechsle - und die Sache chan mer guet id Wöschmaschine tue :-P. SAuto isch baut worde zum sehr praktisch sii, drum hets hine ine au Kinositz, also so zum abeklappe - denn chan mer dIchäuf au gad direkt inestelle. Aaaaaber dur die Flügeltüre chömet gwüssi Lüüt nöd mol stehend dezue - und probier doch mol die Türe ufme normale Parkplatz ufzmache… Aber defür gsehts doch lässig us

Und denn hets no Riisesitz gha :D Aber hend alli gseit das es bi mir nöd so chli usgsehnd…

Nochem simmer wiiter zum Port of Gothenburg. DPräsentation am Afang isch so schlecht gsi, dass i eifach dFöteli zeige womer noch hend chöne mache uf üsere Car-Rundfahrt im Hafe.

Am Obig am Zeni bini dihei denn vom Mitbewohner gfroget worde öbi mol mitcho wöt i sis Labor - da simmer dabei.

Was er gnau macht hani irgendwie immer nonig ganz verstande. Aber er nimmt Ratte, tuets betäube, het e Guillotine zum de Chopf zisoliere und denn macht er Hirnschiibe drus. Die tuet er denn mit irgendwelche Lösige chli am Lebe bhalte und tuet denn mese, wie guet das die de Strom leitet oder was für Aktivitäte feststellbar sind. Es goht irgendwie schlussendlich um Langziitgedächtnis.

Um das ganze no chli bildlich darzstelle het er di folgend Grafik zur Hilf gno. Denn isch alles klar gsi ^^.

Bi de eigene Arbeit chunts au langsam zlaufe. De mechanisch Teil isch fertig, jetzt gohts um dElektronik und Programmierig. Das isch en Versuechsufbau vom Encoder, also dem Teil wo dGschwindigkeit misst vom Wägeli. Het au recht schnell funktioniert, zerscht aber suuber mol zwei vo dene Encoders verbröötlet. Zeichnet doch Schaltplän vo une her, isch jo logisch!

Zudem machet mir Teschts mitere Webcame zum Schnegge zdetektiere…

Am Samschtig isch Fuessball gsi. Also zerscht selber spille und denn isch Iiweihig vom Nya Gammla Ullevi gsi. Also Neus Alts Ullevi. De Trick isch de: Es git zwei grossi Fuessballstadie in Göteborg. Zerscht hends es Ullevi baue. Denn isch es grosses, neus Stadien nebet ane baue worde. Das hends denn Neus Ullevi tauft, drum hets andere denn de Name Alts Ullevi übercho. Und jetzt hends sAlte abgrisse und es neus baue. Isch doch logisch das es jetzt Neus Alts Ullevi heisst. Ufem Programm isch de Match Schwede gege Brasilie gstande im Frauefuessball. Brasilie isch Weltranglischtezweite noch de USA und Schwede isch vierte noch Dütschland. Vorem Stadion sind denn vor allem dBrasilianer ufgfalle

Denn hends es paar schwedischi Gruppe und Künstler uftrette loh, so zum Biispiil Alcazar.

Wie üblich no ziiimli Füürwerk Das Foti aber i erschter Linie zums Wetter zeige. Kei Wolke, 20° C oder sowas - echt guet

Denn isch es au mol entli losgange. Brasilie isch früeh i Füehrig gange. Schwede het sich denn i de 70′ und 71′ i Füehrig gschosse und mitem 3:1 i de 85′ alles klar gmacht.

Kommentare

Aktuell

• Bachelorarbeit abgschlosse und Liiiiseberg
• Trams…
• Chuchi, Projekt, Preem und Robot-SM
• Cortégen
• Volvo, Hafe, Projekt und Fuessball
• Stockholm, Unihockey und Jungwachtleiter :D
• Flo uf Bsuech
• Elias testet für Sie (11): Tramsitze
• Familie uf Bsuech
• Elias testet für Sie (10): Ostkaka

Kategorien

• Lyrics
• Me, Myself and I
• N/A
• Projekte
• RS
• Schule
• Schweden
• Steinbruch
• Studium

Archiv

• Juni 2009
• Mai 2009
• April 2009
• März 2009
• Februar 2009
• Januar 2009
• Juli 2008
• Juni 2008
• Mai 2008
• April 2008
• März 2008
• Februar 2008
• Januar 2008
• Dezember 2007
• November 2007
• Oktober 2007
• September 2007
• August 2007
• Juli 2007
• Juni 2007
• Mai 2007
• April 2007
• März 2007
• Februar 2007
• Januar 2007
• Dezember 2006
• November 2006
• Oktober 2006
• September 2006
• August 2006
• Juli 2006
• Juni 2006
• Mai 2006
• April 2006
• März 2006
• Februar 2006