Chuchi, Projekt, Preem und Robot-SM

Geschrieben am 12.05.2009 um 09:05
Kategorien: Schweden |

I letschter Ziit isch nöd bsunders vill los gsi, ussert vill Iishockey und Fuessball luege, letschteres au selber oft spille. Und i han im Gebäude woni wohn no e gueti Entdeckig gmacht: Mir hend e Sauna und e Dachterasse - de Hit!! ;-) Letschthin woni id Chuchi cho bin, hani zerscht mol de gseh:

dsc00386

Isch au nöd weg woni nöcher cho bin - isch glaub en neue Mitbewohner ;-) Und ufem Tisch isch denn no folgendes glege:

dsc00388

Falls mers nöd lese chan: «Who ate my food? Don’t do it again!» – «It was very good, my friend!» haha owned ;-) Und bi de Bachelorarbeit laufts zimli guet, alles mechanische hemmer zämäbaut, dElektronik funktioniert bis uf de Motor au. Döte wartet mir eifach no ufes Verstärkermodul womer bstellt hend… Wo isch dPoscht wenn mer si mol brucht ;-) Und do mol es sozege fertigs CAD-Modell devo. Zur Funktionswiis: Wenn en Rossschnegg erkennt wird (mitere Webcam wo uf dFlächi grichtet isch), denn fahrt das Fahrzüg döt ane, griift en uf (de Griifer isch do nonig druf) und fahrt wider zrugg. De Rossschnegg wird denn inen Bhälter «für wiiteri Bearbeitig» tue.

_asm_asm

Denebet machi no en Kurs i nichtlinearer und adaptiver Regelungstechnik ;-) Im Moment sind gad MPC (Model Predictive Controller) ufem Programm. Das isch eifach erklärt es Modell mache, tusig möglichi Zuekunftsszenarie usrechne und denn sbeschte devo neh. Und druf cho isch mer, will mer i de Ölindustrie langsami Prozess het und drum zvill Recheleischtig zur Verfüegig (gha) het. Und will das au vo dere Industrie chunt, simmer Preem go besichtige. Preem isch di gröscht Raffinerie in Schwede und macht 60% vom Benzin und Diesel in Schwede. Di ganz Raffinerie isch ufere Halbinsle zwüschet Göteborg und Oslo. Vo Süde her isch es schneller, die Stross neh wo mitem Meer unterbroche isch ;-) Zwor kei guets Foti, aber zum zeige das die Insle bi Rege nöd schön sind…

dsc00276

Uf de Rundfahrt mitem Car dur sGlände. Oder «ich über ein paar Millionen Liter Öl». In Schwede isch praktisch alles uf Stei, drum hend die eifach unterirdischi Hölene gno und als bruchets als Tanks.

dsc00275

Ganz idyllisch e Raffinerie id Landschaft baut… ;-)

dsc00274

Hier werden die Rohstoffe wieder verschifft. 70% wird «online» gemischt, das heisst, dass mer ufem Weg zum Schiff erscht zämämische tuet. Wehe do het eine falsch grechnet, denn wird wieder usepumpet.

dsc00273

Do obe gseht mer immer es Füür. Für die wos nöd wüsset: I sozege jedem Tank und jedere Umformstation hets Überdruckventil, und die mündet alli i dene Türm. S’Füür isch do, damit das denn au gad verbrennt und somit «kontrolliert» verbrennt.

dsc00270

dsc00269

dsc00267

Am Nomitag hemmer denn no e Art Vorlesig us de Industrie gha, wobi eifach jede zweiti Satz gsi isch: «Wie ihr oder euen Professor vilicht meinet, isch…» Üsen Prof het sich sicher gfreut wo sich i de erschte Reihe Notize gmacht het ;-)

Am Sunntig isch schwedischi Robotikmeischterschaft in Chalmers gsi. Es het verschideni Kategorie geh, wobi eigentli nur zwei würkli interessiert hend: Mini-Sumo und Standard-Sumo.Es goht drum, dass mer e kreisförmigi Platte het und de ander Roboter eifach mues abeschiebe. Wer länger bliibt, het gwunne ;-)

dsc00389

Bevors aber los gange isch, hets au eifach no Demonstratione geh. Zum Biispiil tanzendi Roboter ;-)

dsc00394

Das isch es Foti us Mini-Sumo, Roboter bis 500 Gramm. Hine dra isch Standard-Sumo, mit Roboter bis 3kg.

dsc00392

Und was isch bim Sieger vo de Standard-Kategorie am zweitwichtigschte gsi? Das ihm vor em Final es Rad abgheit und de ander irgendwohii renne mues zum das flicke. Und was isch swichtigscht gsi: Das de Roboter obe en Griff gha het, damit mer in guet het chöne träge. 3mm-Alu-Blech, strike ;-) D’Griff sind immer s’wichtigscht!

Kommentare

Leave a Comment

If you would like to make a comment, please fill out the form below.

Name (benötigt)

Email (benötigt)

Website

*
To prove that you're not a bot, enter this code
Anti-Spam Image

Kommentare

Aktuell


Kategorien


Archiv