Bachelorarbeit abgschlosse und Liiiiseberg
Geschrieben am 03.06.2009 um 08:45
Kategorien: Schule, Schweden |
Di letschte zwei Wuche sind zimlich stressig gsi, no e letschti Prüefig gha und dBachelorarbeit het müese abgeh werde. Schlussendlich het alles funktioniert. Am Friitig sind alli Demonstratione gsi und am Mentig alli Presentatione. Isch no spannend gsi, dWerk vo de andere Gruppe azluege. Bsunders interessiert het mi natürlich di ander Gruppe, wo das Problem mit de Schnegge in Agriff gno het.
Und die Maschine funktioniert so, dass die zwei Metallschiene wo mer gsehnd unter liechtem Strom sind und de Widerstand gmesse wird. Wenn de im Bereich vom Widerstand vomne Schnegg isch, wird de Strom stark erhöht und de Schnegg grillt. Nochher chunt das Fahrzüüg und tuet ufbutze. Wer sich das nöd so guet chan vorstelle, do isch en Video (isch nöd bsunders schööön zum luege…):
Bi üsere Maschine hemmer e Schneggeerkennig mit Distanzsensor oder wahlwiis Web-Kamera implementiert und das gseht denn so us:
Das mit de Web-Kamera gseht so us:
Roti Pünkt sind Pünkt wo sich sitem letschte Bild gänderet hend und i de Mitti isch de sensitiv Bereich (bim grüene Chrüz isch de Mittelpunkt vom Schnegg, do im Tescht en Schriiber). Üsi Maschine isch denn (unfreiwillig und vo de andere Gruppe) au no mit richtige Schnegge teschtet worde – es het funktioniert! 
Am Samschtig hemmer en International Dinner verastaltet, immer en Hit I han typisch schwiizerisch Erdbeeri und Vanilleglasse mitbrocht, aber au no am Kolleg mitem Fondue gholfe. DHelde sind wider mol dSpanier und Konsorte gsi, wo zwei Stund zspot chömet und iirgendwas riiisigs kochet hend – nochdem mir alli scho Dessert gha hend. Wer zu spät kommt, den besträft das Leben Spöter simmer denn no is Sticky Fingers, wo e lokali Band eren letschte Uftritt vor de Uflösig gmacht het… Echt guet gsi!
Am Sunntig druf simmer an Stora Delsjön, en See wo gad ad Stadt grenzt. Und wenn in Schwede dSunne schiint, denn sind alli Schwede dusse. Einigi Kollege hend di ganz Nacht gfischet, i han aber bi Ziite wider hei müese, will i am nögschte Tag jo Presentation gha han.
Am Zischtig bini denn entli mol is Liseberg, in Göteborger Vergnüegigspark cho!
De Kreisel uf dere Halfpipe isch echt cool, a de Spitze gseht mer gar nüt meh ussert de Himmel Chli beängstigend isch, dass sganze Fahrzüüg nur uf dere Schiene liit und kei Griifer une dure het!
Im Nochhinein sschlimmschte isch das Karussel gsi – debi gsehts so harmlos us
Free Fall Tower! Und nebet dra hets no de Shoot Up Tower gha Haaaammer!
Usblick vom Ussichtsturm. I de Mitti gseht mer di gross Holzachterbahn. Nochem uffahre gohts gad wider mol mit 70° abe!
Es het natürli au anderi schööni Attraktione gha, wie zum Biispiil Plastikrüebli vor Plastikross inen Chübel inewörfe
Es het au no en chline Walk of Fame, aba… – ABBA? Das ist für mich eher eine schwedische Popgruppe, die in den Siebzigerjahren sehr erfolgreich waren und im Moment in den USA eine Renaissance erführen
Hüt muesi mis Zimmer ufruume, sletscht mol alles wäsche und morn gohts los richtig Dalsland: Viertätigi Draisine- und Kanutour! Denn gohts wiiter richtig Oslo und Bergen. Denn no zwei letschti Täg in Göteborg und am 15. Juni flügi vo Stockholm hei!
Kommentare
Leave a Comment
If you would like to make a comment, please fill out the form below.
Aktuell
- Bachelorarbeit abgschlosse und Liiiiseberg
- Trams…
- Chuchi, Projekt, Preem und Robot-SM
- Cortégen
- Volvo, Hafe, Projekt und Fuessball
- Stockholm, Unihockey und Jungwachtleiter :D
- Flo uf Bsuech
- Elias testet für Sie (11): Tramsitze
- Familie uf Bsuech
- Elias testet für Sie (10): Ostkaka
Kategorien
Archiv
- Juni 2009
- Mai 2009
- April 2009
- März 2009
- Februar 2009
- Januar 2009
- Juli 2008
- Juni 2008
- Mai 2008
- April 2008
- März 2008
- Februar 2008
- Januar 2008
- Dezember 2007
- November 2007
- Oktober 2007
- September 2007
- August 2007
- Juli 2007
- Juni 2007
- Mai 2007
- April 2007
- März 2007
- Februar 2007
- Januar 2007
- Dezember 2006
- November 2006
- Oktober 2006
- September 2006
- August 2006
- Juli 2006
- Juni 2006
- Mai 2006
- April 2006
- März 2006
- Februar 2006
Haha. Do chömed mir anderi in Sinn
Zitat: “DHelde sind wider mol dSpanier und Konsorte gsi, wo zwei Stund zspot chömet und iirgendwas riiisigs kochet hend – nochdem mir alli scho Dessert gha hend. Wer zu spät kommt, den besträft das Leben”
Bloss zwei Schtund? Aber hey: Hauptsach sie chömed! Und denn chochets au no? Was wöttme nomeh?
Anderi verdächtigi wünsched sich vermuetlich so öpper
mmh. Ich schätze für das chumi mindeschtens -3 abbuecht über.
Sehr schön. Und das scho am Morge früeh. De Tag chan nur guet werde
Elias, keep cool, hf + gnüss di letschte Täg in Schwede!
Und Mösiö: Wennd jetzt nöd schleunigscht mol es Plugin inschtalliersch wo de Text bimene falsche Captcha cached - denn würimi gar nöd erscht getraue zum heicho!
Scheissdreck das.
Haha. Hoffentli hesch au no grad en scharfe Bad-Word-Fitler aktiv, sodass min Biitrag grad nomel verschwindet… arschficken. penis. porn. poker. cum. viagra.
Haha. Plastikrüebli vor Plastikross inen Chübel inewörfe. Vollweich.
Ich wett mol Ross inen Chübel voreme Plastikrüebli werfe!
Jetzt hani ganzi gloriichi drüü mol de vorherig Biitrag müese inekopiere und abschicke well de Mr. Security-Code mich schiinbar nöd mag! Ich werd no plöd.
Jede ander het schpötischtens jetzt sini E-Mail-Adresse bi füehrende Spam- und Arschficker-Newsletters vo mir iitreit bercho.
Du nöd. du bisch en geile Siech
Gang defür no schnell uf Facebook es paar Salpeter-Kommentär go platziere. zum mich wieder ufheitere.
Guet Nacht